كشف الإعلامي عمرو أديب كواليس أغنية محمد رمضان في حفل افتتاح الدورة الخامسة من مهرجان الجونة السينمائي
عمرو أديب يوضح ملابسات أغنية محمد رمضان
وقال عمرو أديب في برنامجه “الحكاية” المذاع على قناة MBC مصر: “إن إدارة المهرجان كل سنة عندها أغنية المهرجان أول سنة 3 دقات كسرت الدنيا السنة اللي فاتت كان في رامي عياش وتامر حسني، السنة دي بدون سبب واضح قرروا أغنية الحفلة يعملها محمد رمضان”.
وتابع أديب “حصل حاجة غريبة جدًا في أول الحفلة طلبوا من يسرا وسميح ساويرس يقولوا كلمتين عن الحفلة، وفي الآخر جاءت المذيعة الفاضلة وقالت وآخر حاجة عندنا في الحفلة الفنان محمد رمضان ومشيت”.
وضاف أديب:”محمد رمضان طلع معاه اتنين مطربين اسمهم اقوي من اسمه في الغنا مية مرة جايز هو أقوى في التمثيل، وقبلها على طول المذيعة طلعت يسرا وسميح علشان يقدموا رمضان وهما مكانوش عارفين”.
استفهام من عمرو أديب لمهرجان الجونة
وأوضح عمرو أديب قائلًا “وفجأة دخل رمضان غنى اغنية جو البنات حاجة ملهاش علاقة بالمهرجان وواضح أنه استعراض اتعمل بسرعة فمكنش حلو، الأغنية قعدت 3 دقايق ملهاش علاقة بأي حاجة ولما خلصت ورمضان هيبدأ يتكلم النور اطفى والمايكروفون فصل ودة شيء غريب لا الأغنية صح ولا اللي اتعمل صح ومحدش فاهم”.
كما تعجب عمرو أديب مرة أخرى من طريقه تقديم محمد رمضان وإغلاق النور بعد 10 ثوان وتساءل “لو مش عايزينه جايبينه ليه”
مؤسسا المهرجان هما رجلا الأعمال الشقيقان نجيب وسميح ساويرس، المهتمان بالشأن الثقافي والفني المصري، تحت إدارة انتشال التميمي المدير العام للمهرجان.
وتستمر فعاليات مهرجان الجونة 2021 على مدار أسبوع في الفترة من 14 أكتوبر/تشرين الأول وحتى 22 من الشهر الجاري، بحضور نخبة من نجوم الفن في مصر والعالم والوطن العربي، ويشارك خلال هذا العام مجموعة من صناع الأفلام ويتنافسون فيما بينهم بأكثر من 16 فيلما روائيا طويلا و23 فيلما قصيرا و10 أفلام وثائقي، إلى جانب الأفلام التي ستعرض خارج المسابقة.
