أثار اليوتيوبر علي غزلان خلال الساعات الماضية، الجدل بسبب دعايته لشركة تنتج سجادة الصلاة.
ونشر علي غزلان، عبر خاصية «الإستوري» بحسابه الشخصي بموقع إنستجرام، صورًا ومقاطع فيديو، حث خلالها متابعيه على ضرورة الصلاة.
وكتب اليوتيوبر خلال الصور ومقاطع الفيديو: «مهما كان انشغالك.. أوعى تنسى أهم فرض.. الصلاة».
وقال اليوتيوبر فيما بعد: «عشان تعرف تخشع في الصلاة لازم تهيأ الظروف اللي حواليك، يعني يُفضل ميكونش في دوشة عشان تعرف تركز، والمكان اللي بتصلي فيه يكون كويس وحاجات تانية كتير».
لكن بمتابعة تسلسل الصور ومقاطع الفيديو، فوجئ متابعو اليوتيوبر من أن غرض حث «غزلان» لمحبيه على الصلاة، هو الدعاية فقط، فظهر خلال إحدى اللقطات وهو يمسك سجادة الصلاة بيده ويعدد مميزاتها.
وفي نهاية الأمر، كتب اليوتيوبر بشأن سجادة الصلاة: «اللي يشتري منهم يفتكرني ويدعيلي في كل صلاة».
ردود الفعل
ما سبق، عرّض «غزلان» ردود فعل حادة، تراوحت ما بين هجوم لاذع، وسخرية من المحتوى الذي قدمه.
وجاءت أغلب ردود الفعل خلال تعليقات مستخدمي موقع فيس بوك كالآتي: «مهما كان انشغالك اوعي تنسي صلاتك.. حبيبي بقولك..»، و«أهم حاجة الخشوع»، و«المكان اللي بتصلي فيه يكون كويس وحاجات تانية كتير مش فاكرها دلوقتي.. ياعم متقولنا اتبعتلي المصليات دي وحلوة وخامتها تحفة وكلمتين كدا وخلاص».
جديرٌ بالذكر أن علي غزلان، تزوج من فرح شعبان ملكة جمال مصر لعام 2017 في نهاية العام الماضي.
وبعد زفافهما، سخر السيناريست عمرو سمير عاطف من «غزلان» بسبب كثرة نشره لصور «شهر العسل» الخاص به بعد إتمام زواجه.
وكتب «عاطف» في منشور على صفحته على «فيسبوك»: «فيه شخص اسمه على غزلان واضح إنه اتجوز وواضح إن دي حاجة مهمة جدا جدا جدا».
وأضاف: «لأني باعرف ده كل ما أدخل الفيس بوك وواضح إنه سعيد قوي وإنه عايز حد معين يعرف المعلومات المهمة جدا دي».
واختتم: «ياريت حد يا جماعة من فضلكوا يوصل المعلومة دي للشخص اللي عايزه يعرف لأن إحنا كلنا خلاص عرفنا».
بينما رد «غزلان» حينها بقوله: «ربنا يرزقه فرحتي أو حتى جزء منها، ساعتها ممكن يقعد ينزل صور زفافه لمدة ١٠ سنين قدام. بس لو نخلينا في حالنا بس ونبطل خفة دم عشان في مرة ممكن تموتنا من الضحك حضرتك».
