جوزك تعبان خليكي في البرامج الدينية.. مُتابعة تهاجم دعاء فاروق والإعلامية: بتعايروني بمرض جوزي؟!
ردت الإعلامية دعاء فاروق على رسالة إحدى متابعيها، طلبت منها عدم نشر صورها مع الفنانين، وأن تكتفي بتقديمها للبرامج الدينية، خصوصا أن زوج الإعلامية مريض ويجب أن تراعيه، حيث أعربت الإعلامية عن استيائها الشديد من هذا الأمر، وطالبت الجميع بعدم الحكم على المشاهير من خلال صورهم على مواقع التواصل الاجتماعي، مؤكدة أن حياتهم دائمًا بها أزمات وصعوبات لكنهم لا يشاركوها مع الجمهور.
وكتبت دعاء فاروق منشورًا، عبر حسابها الشخصي بموقع التواصل الاجتماعي فيس بوك، قائلة: سميرة الطنطاوي والله يا فندم أنا اللي قرفت، والله العظيم أنا اللي قرفت من الناس البايخة اللي بتعايرني، وبتستخدم مرض جوزي المحترم بطريقة مش مقبولة، عند أول صورة شغل أنزلها.. اتقي الله يا شيخة، وارحمونا بقى من كم التنظير اللي علينا.
وأضافت دعاء فاروق: ارحمونا وارحموا نفسكم، اتقي الله أنتِ، اتقي الله اتقوا الله في كم التنمر، والكلام الصعب اللي بتعلقوا بيه عند الناس، اللي لا أذوكم ولا ضايقوكم ولا عملوا أي حاجة غير إننا بنشتغل.. ارحمونا بقى امشوا من الصفحات بتاعتنا، امشوا بقى بدل السم اللي بتبخوه، كلامكم زي السم استغفر الله العظيم من كل ذنب عظيم.
وكانت تلقت دعاء فاروق، تعليقًا جاء فيه: اتقي الله وخليكي أنتِ ودعاء عامر في البرامج الدينية، هوا أنتم جرركم إيه مبتتعضوش من حاجة، أتقو الله كل يوم تتصور مع فنانين وتطلعو على الشاشة، توعظونا، شوفو نفسكم الأول أنتِ زوجك تعبان يا شيخة، حرام عليكي قرفتونا والله.
