عادل إمام حكاية مصرية كبيرة في عالم الفن العربي، ورمز من رموزه الكبار، فعلى مدار تاريخ طويل من الأعمال الفنية التي امتع بها الجمهور، استحق عادل إمام لقب الزعبم بجدارة.
وعلشان يبقى زعيم الفن المصري اكيد بذل جهد كبير، وخاض مسيرة كلها تعب وإرهاق، لكن خلال السنوات الطويلة دي كلها، مفيش مرة عادل إمام طلع حد من اقراد أسرته على الشاشة.
ماعدا ولاده رامي ومحمد الاول مخرج، والتاني ممثل ومنتج، انما هل حد شاف مراته او بنته؟لاء طبعاً محدش شافهم، لدرجة إن بنته بعد تخرجها من الجامعة، طلبت تدخل الفن فقالها ممنوع.
ومش بنته وبس، ده عادل إمام اخفى والده كمان عن الظهور بشكل نهائي طوال تاريخه،وقعد الجمهور فترة طويلة يسال عن مهنة والد عادل إمام، وكانت محل بحث كتير لكن معرفوش.
منهم ناس قالت إن والده عمدة، وناس تانية قالت إنه مهندس متقاعد لحد ما اتعرفت مهنته،من كام ساعة المخرج رامي عادل إمام نزل صورة له مع جده الراحل محمد الإمام على خاصية الأستوري على صفحته.
وقال للجمهور إن ده جده الراحل، وطلب من الناس تدعيله بالرحمة، واستجاب له عدد كبير من متابعينه،”رامي إمام” قال إن جده كان واحد من الطيبين في الزمن بتاعه، وكان احن واحد في عيلته.
وقال “رامي” إن جده رحل سنة 1997، وعاني قبل رحيله من الزهايمر، وفي آخر أيامه مكانش عارف لا إبنه ولا حتى اولاده،قال في التعليقات “رامي” إبن الزعيم عادل إمام إن جده الراحل غادر الدنيا، وهو راضي عن والده.
وقال “رامي” إنه حزين لعدم وجود صور كتيرة بتجمعهم مع بعض، لكن العيلة كلها ورثت خفة الدم منه،وكتب على صفحته قال:” الراجل اللي مفيش زيه في حنيته وطيبته وتلقائيته وخفة دمه، والأخيرة دي اهم حاجة
طلعت جينات في العيلة، والكل وارث من “محمد الإمام” خفة الدم والمرح، وكانت اجمل الاوقات لما يقعدوا معاه._ ده كلام رامي عن جده
بيقول تاني عن جده الراحل إن اسرته لما كانت تقعد معاه، كانت القعدة كلها راحة وهزار، وكان دايما يدعي لوالده عادل إمام يقوله: “روح ياعادل ربنا يكرمك كمان وكمان”.
وقال “رامي” إن جده عانى في آخر أيامه لما جاله زهايمر، فنسي ابنه واحفاده ومكانش عارف اي حد، وقتها بيقول “رامي” إنه كان يتمنى الأيام ترجع به للوراء، علشان يتصور معاه صور كتيرة، ويقعد معاه اكتر.
وفي سنة 1997 غادر الحياة من غير ميقول مهنته كانت إيه، هل كان عمدة ولا مهندس متقاعد، زي ما اتقال؟لكن طارق الشناوي الناقد الفني في تصريحات تلفزيونية له في برنامج “نعم انا مشهور” كشف عن مهنتة الحقيقية.
وقال إن والد عادل إمام كان شاويش في مصلحة السجون وطلع على المعاش بالوظيفة دي، الشناوي في تصريحاته بيقول إن الزعيم كان متعمد طوال تاريحه عدم ذكر مهنة والده رغم ان الشغل مش عيب.
وده اللي قاله الجمهور لما عرف ووجه رسالته لعادل إمام قاله: “الشغل مش عيب ولا حرام يا زعيم”
