كشفت مي كريم، زوجة الفنان خالد الصاوي، عن حقيقة انتقال عدوى كورنا منها إليه، بعد تأكيد إصابتها رسميا، مشيرة إلى أنها أصيبت بالمرض أثناء تواجد زوجها في مدينة الإسكندرية لتصوير أحد أعماله الفنية، وستمنعه من دخول منزل الزوجية طوال فترة خضوعها للعزل الصحي، حرصا على سلامته.
واضافت، خلال مداخلة هاتفية مع الإعلامي وائل الإبراشي، في برنامج “التاسعة”، المذاع على القناة الأولى بالتليفزيون المصري: لن يصيبنا إلا ما كتب الله لنا، وهي زي ما بيقولوا المصريين جمعية ودايرة، أنا مش عارفة جالى منين وكل المهرجانات الناس كانت ملتزمة جدا، ولكن أحنا بننزل شغل كل يوم.
وتابعت: أنا بشتغل في مجال الإعلانات والأسبوع اللي فات اشتغلت يومين ورا بعض وحسيت بكحة وقولت إنها إنفلونزا أو دور برد عادى، وقعدت أسبوع وعملت تحليل وطلع لسلبى.
أضافت: لكن اللي عرفته بعد كده إن المسحة بتكون نسبة دقتها من 60 إلى 70% وعملنا مجموعة تحاليل ولقينا الأمور مش متظبطة.. المفروض الواحد كل فترة يحلل مجموعة تحاليل علشان يتطمن على نفسه، ومن الممكن ألا تظهر كفيروس لذلك لا يكتفون بمسحة واحدة ولكن بيعملوا مسحة تانية بعد أسبوع.
وأكدت مي كريم أن زوجها النجم خالد الصاوي ليس متواجدا في المنزل حاليا، قائلة: خالد كان بيصور في الإسكندرية وأنا بطمن كل الناس عليه وطبعا مش هيخش البيت علشان لا يصاب بأي مكروه.
